កម្ពុជា ចាត់បញ្ជូនមន្ត្រីចំនួន៤រូប ចូលរួមសន្និសីទអាស៊ានលើកទី៧ ឆ្នាំ២០១៩ ស្តីពីការថៃទាំសុខភាពមានលក្ខណៈទូលំទូលាយ ក្នុងការព្យាបាលអ្នកញៀនគ្រឿងញៀន
05-July-2019 | ដោយ ពលមនសិការ
ប្រទេសថៃ៖ ចាប់ពីថ្ងៃទី៣ ដល់ថ្ងៃទី៥ ខែកក្កដា ឆ្នាំ២០១៩ ស្ថាប័នប្រយុទ្ធប្រឆាំងគ្រឿងញៀនកម្ពុជា បានចាត់មន្ត្រីចំនួន៤រូប ទៅចូលរួមសន្និសីទអាស៊ានលើកទី៧ ឆ្នាំ២០១៩ ស្តីពីការថែទាំសុខភាពមានលក្ខណៈទូលំទូលាយ ក្នុងការព្យាបាលអ្នកញៀនគ្រឿងញៀន ( Seamless Comprehensive Health Care in addiction Treatment ) ដែលបានប្រារព្ធធ្វើនៅទីក្រុងបាងកក ប្រទេសថៃ ដែលមានអ្នកចូលរួមមកពីបណ្តាប្រទេសជាសមាជិកអាស៊ានសរុបជាង១០០នាក់។
លោកវរសេនីយ៍ យិន យឿត អនុប្រធាន នាយកដ្ឋាននីតិកម្ម អប់រំ និងស្តារនីតិសម្បទា និងជាអ្នកសម្របសម្រួល បានប្រាប់ឲ្យដឹងពីគោលបំណងនៃសន្និសីទគឺដើម្បីផ្លាស់ប្តូរព័ត៌មានពាក់ព័ន្ធបញ្ហាគ្រឿងញៀនក្នុងបណ្ដាប្រទេសអាស៊ានទាក់ទង និងការផ្តល់សេវាព្យាបាលស្តារនីតិសម្បទាអ្នកញៀនគ្រឿងញៀនដោយស្ម័គ្រចិត្តនៅក្នុងសហគមន៍ និងនៅតាមមណ្ឌលស្តារនីតិសម្បទា សាធារណៈរបស់រដ្ឋ-ឯកជន។
លោកស្រី មុំ ចាន់ដានី ប្រធានមន្ទីរ សង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ប្រធានមណ្ឌលឱកាសខ្ញុំ បានបាប់ឲ្យដឹងពីលទ្ធផលដែលទទួលបានពីសន្និសីទនោះថា ទទួលបានចំណេះដឹងថ្មីៗតាមរយៈការធ្វើបទបង្ហាញចែករំលែកបទពិសោធន៍តាមបណ្ដាប្រទេសជាសមាជិកអាស៊ាននិមួយៗលើការងារព្យាបាលអ្នកញៀនគ្រឿងញៀន និងការស្ដារនីតិសម្បទា ក្រោយពេលព្យាបាលរួចដែលជាគន្លឹះ ទប់ស្កាត់ ការលាប់ឡើងវិញ នៃអ្នកប្រើប្រាស់គ្រឿងញៀន។
តាមកម្មវិធីដែលបានគ្រោងទុកមន្ត្រីទាំង៤រូប នឹងត្រឡប់មកកម្ពុជាវិញនៅថ្ងៃស្អែកទី៦ ខែកក្កដា ឆ្នាំ២០១៩ ៕
ចំនួនអ្នកទស្សនា
- ថ្ងៃនេះ281
- ម្សិលមិញ12101
- សប្តាហ៍នេះ12391
- ខែនេះ127541
- ឆ្នាំនេះ127541
- សរុប20569997